Elordada demalys kúnderi jármeńke ótedi

ASTANA. KAZINFORM – Astanada 14-15 maýsym kúnderi kezekti qalalyq aýyl sharýashylyǵy jármeńkesi ótedi, dep habarlaıdy elorda ákimdiginiń resmı saıty. 

Jármeńkede jergilikti fermerler men Qazaqstannyń túrli óńirinen kelgen óndirýshilerdiń ónimderi usynylady. Qala turǵyndary men qonaqtary kókónister men jemisterdi, et, un jáne sút ónimderin, nan-toqash ónimderin, tabıǵı shyryndar men tosaptardy jáne basqa da taýarlardy tıimdi baǵamen satyp ala alady.

Іs-shara 14 jáne 15 maýsym kúnderi saǵat 10:00-den 19:00-ge deıin Nurǵısa Tilendıev dańǵyly, 12a mekenjaıynda ornalasqan «Koktal» saýda-oıyn-saýyq ortalyǵynda ótedi. 

Aıta keteıik, elordada taǵy bir aýyl sharýashylyǵy jármeńkesi jumys istep tur. Ol Beıbarys Sultan kóshesi, 23 mekenjaıynda (Rıo-de-Janeıro turǵyn úı kesheniniń qarsysynda) ornalasqan. Jármeńke kún saıyn saǵat 10:00-den 19:00-ge deıin kelýshiler úshin ashyq.

Qonaqtardyń yńǵaılyǵy úshin jármeńke mańynan №2, 32, 49, 50 jáne 73 avtobýstary qatynaıdy, bul is-shara ótetin orynǵa qolaıly jetýge múmkindik beredi.

Buǵan deıin Astananyń Baıqońyr aýdanynda 100-den astam «Jasyl el» jaýyngeri «Taza sársenbi» ekologııalyq aktsııasyna qatysqanyn habarlaǵan edik.