Elordada demalys kúnderi qalalyq aýyl sharýashylyǵy jármeńkesi ótedi

ASTANA. KAZINFORM – Elimizdiń bas qalasynda 21-22 maýsym kúnderi kezekti qalalyq aýyl sharýashylyǵy jármeńkesi ótedi, dep habarlaıdy Astana qalasy ákimdiginiń resmı saıty.

Jármeńkede jergilikti fermerler men Qazaqstannyń túrli óńirlerinen kelgen óndirýshilerdiń ónimderi usynylady. 

Qala turǵyndary men qonaqtary kókónis pen jemis-jıdek, et, un jáne sút ónimderi, nan-toqash ónimderi, tabıǵı shyryndar, tosap, djem jáne taǵy basqa taýarlardy tıimdi baǵamen satyp ala alady.
Іs-shara 21 jáne 22 maýsym kúnderi saǵat 10:00-den 19:00-ge deıin Nurǵısa Tilendıev dańǵyly, 12a mekenjaıyndaǵy «Koktal» saýda-oıyn-saýyq ortalyǵynda ótedi.

Aıta keteıik, qalada aýyl sharýashylyǵy jármeńkesi Beıbarys Sultan kóshesi, 23-úı mekenjaıynda (Rıo-de-Janeıro turǵyn úı kesheniniń qarsysynda) turaqty túrde jumys isteıdi. Ol kún saıyn saǵat 10:00-den 19:00-ge deıin ashyq.

Jármeńke mańynan №2, 32, 49, 50, 73 avtobýs baǵyttary ótedi. 

Buǵan deıin Astanada Tekken 8 boıynsha halyqaralyq týrnır ótetinin jazǵan edik.