Elordada demalys kúnderi aýyl sharýashylyǵy jármeńkesi ótedi

ASTANA. KAZINFORM – Astanada 19-20 shilde kúnderi aralyǵynda kezekti qalalyq aýyl sharýashylyǵy jármeńkesi ótedi, dep habarlaıdy elorda ákimdiginiń resmı saıty. 

Jármeńkede qala turǵyndary men qonaqtaryna elimizdiń ár óńirinen kelgen jergilikti aýyl sharýashylyǵy óndirýshileri men sharýa qojalyqtarynan jetkizilgen azyq-túlik ónimderiniń keń aýqymy usynylady. Kelýshiler munda jańa pisken kókónister men jemisterdi, et pen et-sút ónimderin, nan-toqash ónimderin, bal, tosap, tabıǵı shyryndar men ózge de taýarlardy tıimdi baǵamen satyp ala alady. 

Jármeńke 19 jáne 20 shilde kúnderi saǵat 10:00-den 19:00-ge deıin «KERYEN JOLY» saýda ortalyǵynda, Alash tas joly, 35 mekenjaıy boıynsha jumys isteıdi.

Aıta keteıik, elordada Beıbarys Sultan kóshesi, 23 mekenjaıynda (RIO DE JANEIRO turǵyn úı kesheniniń qarsy betinde) aýyl sharýashylyǵy jármeńkesi turaqty túrde jumys istep tur. Mundaǵy satýshylar kún saıyn tutynýshylarǵa saǵat 10:00-den 19:00-ge deıin qyzmet kórsetedi. 

Jurttyń yńǵaılylyǵy úshin jármeńke mańynan № 2, 32, 49, 50, 73 baǵytyndaǵy avtobýstar qatynaıdy. Bul is-shara ótetin orynǵa qolaıly jetýdi qamtamasyz etedi.

Eske sala keteıik, buǵan deıin Astanada dezınsektsııalyq jumystyń tórtinshi kezeńi bastalǵanyn habarlaǵan edik.