Elordada demalys kúnderi aýyl sharýashylyǵy jármeńkesi ótedi
ASTANA. KAZINFORM – Elordada kezekti qalalyq aýyl sharýashylyǵy jármeńkesi 25 jáne 26 sáýir kúnderi ótedi, dep habarlaıdy Astana ákimdiginiń resmı saıty.
Jármeńkede Qazaqstannyń túrli óńirlerinen kelgen jergilikti fermerler men óndirýshilerdiń ónimderi usynylady. Qala turǵyndary men qonaqtary kókónis pen jemis-jıdek, et, un jáne sút ónimderin, kondıterlik ónimder, tabıǵı shyryndar, tosaptar men djemder jáne basqa da taýarlardy satyp ala alady.
Іs-shara 25-26 sáýir kúnderi saǵat 10:00-den 19:00-ge deıin Keryen Joly saýda ortalyǵynda ótedi.
Kelýshilerdiń yńǵaılylyǵy úshin jármeńke ótetin orynǵa jaqyn mańnan №7, 11, 39, 41, 45, 53, 59, 81, 307, 317 baǵyttaǵy avtobýstar qatynaıdy.
Aıta keteıik, buǵan deıin habarlaǵanymyzdaı, elordada ótken jármeńkede ondaǵan kompanııa bos jumys oryndaryn usyndy.
