Elordada demalys kúnderi aýyl sharýashylyǵy jármeńkesi ótedi

ASTANA. KAZINFORM – Elordada 26-27 shilde aralyǵynda kezekti qalalyq aýyl sharýashylyǵy jármeńkesi ótedi. 

Qala turǵyndary men qonaqtaryna jergilikti óndirýshiler men Qazaqstannyń túrli óńirlerinen kelgen sharýa qojalyqtarynyń azyq-túlik ónimderiniń keń tańdaýy usynylady.

Jármeńkege kelgen jurt jańa jınalǵan kókónister men jemis-jıdekti, et, sút ónimderin, nan-toqash ónimderin, bal, tosap, tabıǵı shyryndar men ózge de taýarlardy qoljetimdi baǵamen satyp ala alady.

Іs-shara saǵat 10:00-den 19:00-ge deıin «KERYEN JOLY» saýda ortalyǵynda (Alash tas joly, 35-úı) ótedi.

Qosymsha túrde, dál osy kúnderi – 26-27 shilde aralyǵynda demalys kúngi jármeńkeler myna oryndarda da jumys isteıdi:
• «Kóktal» SOO aýmaǵynda (Nurǵısa Tilendıev dańǵyly, 12a);
• Beıbarys Sultan kóshesi, 23 mekenjaıynda (Rıo-de-Janeıro TK qarsy betinde).

Jármeńke alańdary saǵat 10:00-den 19:00-ge deıin jumys isteıdi. 

Aıta ketelik Astanada 2025 jylǵy «Bolashaq oıyndaryna» irikteý bastalǵan edi.