Elordada daýyl saldaryn joıý qalaı júrip jatyr: Ákim jaýaby
Astana qalasynyń ákimi Jeńis Qasymbek birer kún buryn elordada bolǵan daýyldyń saldaryn joıý jumystaryna qatysty aıtty, dep habarlaıdy Kazinform.
«Daýyl soqqan kúni kóshede júrgen edim. Jel qatty soǵyp turdy. Mektepten balany alyp ketýge barǵanda, jaıaý adamdardy jel ushyryp áketetindeı boldy», – dedi J. Qasymbek elorda kásipkerlerimen kezdesýden keıin tilshiler suraǵyna jaýap bere otyryp.
Bul turǵyda ákim daýyl saldaryn joıý erekshe baqylaýda ekenin aıtty.
«Daýyldan keıin bizde sonshalyqty úlken shyǵyndar bolmady. Qatty jeldiń saldarynan №79 mektep-lıtseıiniń qasbetiniń bir bóligi opyrylyp tústi. Qalpyna keltirý jumystary júrip jatyr jáne osy aptada aıaqtalady. Mektepterdiń birinde sport alańynyń qorshaýy qulap, ol da qalpyna keltirildi. Balalar mektebinde de qorshaýy qulaǵan bolatyn. Al bir jerde aǵash jylý berý jelisine túsken. Qazir bul ınfraqurylym qalpyna keltirildi. Qabyrǵasy shynydan jasalǵan aıaldamalarǵa qatysty másele boldy. Qazir jóndeý jumystary jalǵasyp jatyr, bir apta ishinde tolyq qalpyna keltiriledi dep oılaımyn», – dedi Jeńis Qasymbek.
Budan buryn Astananyń kommýnaldyq qyzmetteri daýyldyń saldaryn joıý úshin kúsheıtilgen jumys rejımine kóshkenin jazǵan edik.
