Elordada dástúrli emes dinderdiń 44 múshesi ustaldy
ASTANA. 26 qańtar. QazAqparat - Astana aýmaǵynda qalalyq Іshki ister departamentiniń qyzmetkerleri ekstremızm men lańkestikke qarsy kúreske baılanysty shuǵyl aldyn alý is-sharalaryn ótkizdi.
Ásirese, zańsyz mıssıonerlik qyzmet pen zańsyz kóshi qon máselelerine basa nazar aýdaryldy. Bul týraly astana.kz saıty qalalyq ІІD baspasóz qyzmetine silteme jasap habarlady.
«Іs-sharalar barysynda polıtsııa qyzmetkerleri elordada ornalasqan zańsyz dinı birlestik pen dástúrli emes dinı aǵymnyń 44 múshesin anyqtady. Sonymen qatar olardan 259 dana dinı ádebıet pen dybys/beınejazbalary, 5 atys jáne bir travmatıkalyq qarý tabyldy», - delingen vedomstvo aqparatynda.
Sondaı-aq, departament málimeti boıynsha, 130 sheteldik pen azamattyǵy joq adam kóshi-qon zańnamasyn buzǵany úshin ákimshilik jaýapkershilikke tartyldy. Qabyldaý-bólý ornyna 5 adam ornalastyrylyp, izdeýde júrgen bir qylmysker qolǵa tústi.
