Elordada dástúrli «Mýzeı túni» sharasy ótip jatyr
ASTANA. KAZINFORM – Elordada dástúrli «Mýzeı túni – 2025» mádenı-tanymdyq aktsııasy ótip jatyr.
Aıtýly shara 18:00-den túngi 00:00-ge deıin jalǵasady. Onyń baǵdarlamasy mynandaı:
Mádenı-tanymdyq kesh 18 mamyrda toılanatyn Halyqaralyq mýzeıler kúnine oraı QR Mádenıet jáne aqparat mınıstrligi jáne Astana qalasy ákimdiginiń qoldaýymen ótip jatyr.
«Mýzeı túni» aktsııasy QR Ulttyq mýzeıinde 2015 jyldan beri jyl saıyn uıymdastyrylyp keledi.
Alǵash ótkende oǵan 23 myń adam qatyssa, 2016 jyly 30 myńnan astam adam kelgen.
2017 jyly aktsııa 2 ret ótkizilip, 39 myńnan asa adam tamashalaǵan.
Onyń alǵashqysy Naýryz merekesine oraı uıymdastyrylsa, ekinshisi Halyqaralyq mýzeıler kúnine arnaldy.
Sondaı-aq 2018 jyly 37 myńnan asa adam, al 2019 jyly 42 myńnan asa adam keldi.
Odan keıingi jyldary karantınge baılanysty atalǵan shara mýzeıdiń áleýmettik jelidegi paraqshalary arqyly onlaın formatta ótti.
Al 2023 jyly kelýshiler sany 48 myńǵa jetse, 2024 jyly 30 myńnan asty.
«Mýzeı túni» – bul jaı ǵana kórme zaldaryn aralaý emes, bul – ulttyq muramen tanysatyn, tarıh pen ónerge jańasha kózqaraspen úńiletin, rýhanı qundylyqtarmen tereń baılanys ornatýǵa jol ashatyn erekshe mádenı aktsııa.
Buǵan deıin Buqar jyraý mýzeıinde qazaqtyń tuńǵysh organology Qamar Qasymovtyń dombyrasy saqtalyp turǵany belgili boldy.