Elordada dárilik zattardy qymbat baǵaǵa satyp kelgen dárihanalar anyqtaldy
NUR-SULTAN. QazAqparat – Prokýratýra jáne polıtsııa departamenti qyzmetkerlerinen quralǵan monıtorıng tobynyń kezekti reıdteri kezinde elordanyń bes dárihanasynda medıtsınalyq preparattardy baǵasyn asyryp satý boıynsha zańbuzýshylyqtardy anyqtady. Bul týraly QazAqparat eloranyń Polıtsııa departamentine silteme jasap habarlaıdy.
Dárihana qyzmetkerleri dárilik preparattardy Qazaqstan Respýblıkasy Densaýlyq saqtaý mınıstriniń «Bólshek jáne kóterme saýda úshin dárilik zattyń saýda ataýyna shekti baǵalardy bekitý týraly» buıryǵyn buzyp satqan.
Tekserý barysynda 246 orama dári-dármek tárkilendi, sonyń ishinde «Azıtromıtsın», «Tsef3», «Paratsetamol», «Ingaverın», «Dektametazon», «Tseftrıakson» jáne taǵy basqalary, 1983 medıtsınalyq maska, 4000 dana qolǵap, 100 quty antıseptıkalyq qural bar. Tárkilengen preparattardyń jalpy somasy 1 000 000 teńgeden asty.
Monıtorıng júrgizý tobynyń qyzmetkerleri elorda dárihanalarynda medıtsınalyq preparattardy QR zańnamasyn buzyp satý faktilerin anyqtaý boıynsha turaqty túrde reıd sharalaryn júrgizýde. Barlyq anyqtalǵan faktilerge quqyqtyq turǵydan baǵa berilip, kináli azamattar jaýapqa tartylady.
