Elordada Darıǵa Nazarbaevanyń qatysýymen qaıyrymdylyq festıvali ótip jatyr

NUR-SULTAN. QazAqparat – Elordada dástúrli «Sıqyr áýenderi» qaıyrymdylyq festıvali bastaldy, dep habarlaıdy QazAqparat «Qazaqkontsertke» silteme jasap.
None
None

Bıylǵy festıvaldi «Degdar» gýmanıtarlyq qory jáne «Qazaqkontsert» memlekettik kontserttik uıymy birlesip ótkizip otyr.

Darıǵa Nazarbaevanyń bastamasymen júzege asyp jatqan qaıyrymdylyq jobanyń maqsaty – balalar úıiniń tárbıelenýshilerine materıaldyq kómek kórsetip, balalardyń rýhanı álemin baıytý. Festıval aıasynda aýyldyq eldi mekenderde ornalasqan tórt balalar úıine qarjy jınalyp, qaıyrymdylyq kómek kórsetiledi. Olardyń qatarynda Aqmola oblysynyń Aqkól aýdany Ýrıýpınka aýylyndaǵy «Balabaqsha – mektep – ınternat» arnaıy kesheni, ShQO bilim basqarmasyna qarasty №8 balalar úıi, Qaraǵandy oblysy Osakarovka aýdanyndaǵy Jetim balalar men ata-ana qamqorlyǵynsyz qalǵan balalarǵa arnalǵan mektep-ınternaty, Qostanaı oblysy ákimdigi Densaýlyq saqtaý basqarmasynyń Ortalyq nerv júıesi organıkalyq zaqymdanǵan jáne psıhıkasy buzylǵan balalarǵa arnalǵan Rýdnyı mamandandyrylǵan sábıler úıi kirip otyr.

«Byltyrǵy festıval aıasynda 52 mıllıon teńge qarajat jınalyp, 209 balaǵa kómek kórsetildi. Jınalǵan qarajat esebinen aýyldy jerde ornalasqan 4 balalar úıine kómek berildi. Al bıylǵy festıval barysynda 315 búldirshinge járdem kórsetiledi. Buǵan qosa, taǵy 4 balalar úıin sapaly ári qajetti qural-jabdyqtarmen qamtý josparlanǵan. Qajetti qarajat áli de jınalýda. Elimizdiń kez kelgen uıymy men azamaty osy ıgi iske óz úlesin qosa alady, - dep málimdedi «Degdar» gýmanıtarlyq qorynyń dırektory Laýra Ahmetova.

Festıval Ýrıýpın aýylynyń balalar úıi tárbıelenýshilerine arnalǵan «Open space» is-sharasymen ashyldy. «Open space» elimizdiń eń iri óner oshaǵy – «Qazaqstan» ortalyq kontsert zalynda ótti. Balalar «Erekshe akterler teatrynyń» qoıylymyn, keskindeme óneri, qysh óneri jáne zamanaýı bıler boıynsha sheberlik-klasstaryn tamashalap, robototehnıka úıirmelerin, vırtýaldy jáne hımııa laboratorııalaryn kórdi. Buǵan qosa, balalar anımatorlarmen birge qyzyqty oıyndarǵa qatysty. Іs-shara barysynda búldirshinder kópten beri armandap júrgen syılyqtardy aldy. Balalarmen bul qýanyshty sátti bólisken Darıǵa Nazarbaeva syılyqtardy óz qolymen tabystady.

«Men búgin sizdermen kezdesip, baqytty júzderińizdi kórgenime qýanyshtymyn. Búgingi úıirmelerge qatysqan balalardyń talantty, bilimge jáne zamanaýı ǵylymdarǵa qanshalyqty qushtar ekendigin kórdik. Men sizderge bolashaǵy jarqyn, maqsaty aıqyn tulǵa retinde ósip, barlyq asqaq armandaryńyzdyń oryndalýyn tileımin. Sizderdiń aınalyńyzda ómirin bala qamqorlyǵyna arnap, sizderge kúndelikti baqyt shýaǵyn syılap júrgen kóptegen jaqsy, meıirimdi adamdar bar. Men árqashan balalardyń qasynan tabylatyn tárbıeshiler men pedagogtarǵa zor alǵys bildiremin»,- dedi Darıǵa Nazarbaeva.

Festıval 7 jeltoqsan kúni «Qazaqstan» ortalyq kontsert zalynda ótetin úlken qaıyrymdylyq kontsertke ulaspaq. Kontsert Darıǵa Nazarbaeva, Medet Chotabaev, Meıir Baınesh, Álfııa Kárimova, Azat Málik, Azamat Jeltyrkózov, «FORTE TRIO» memlekettik trıosy, «Astana Opera» teatrynyń hory men sımfonııalyq orkestriniń qatysýymen ótedi. Merekelik kontserttiń baǵdarlamasyna tanymal operettalar men mıýzıklderdiń arııalary engen.

«Qazaqkontsert» baspasóz qyzmetinen alynǵan foto

Сейчас читают