Elordada dári-dármektiń 200 ataýyna baǵa turaqty ustalýda - ákim orynbasary
ASTANA. QazAqparat - Elordada dári-dármektiń 200 ataýyna baǵa turaqty ustalýda. Bul týraly búgin Ortalyq kommýnıkatsııalar qyzmetindegi baspasóz máslıhatynda Astana ákiminiń orynbasary Andreı Lýkın málim etti
Onyń aıtýynsha, qazirgi kezde dárihanalardyń bólshek jelilerinde baǵanyń monıtorıngisi júrgizilýde. Bul turǵyda ınflıatsııalyq targetteýge deıingi deńgeıdegi baǵamen mańyzdy dárilerdiń baǵasyn ustap turý týraly tıisti kelisimder jasaldy.
«Memorandýmdar bekitilgennen keıin jáne kún saıyn baǵaǵa jasalatyn monıtrıng barysynda kóterme naryqta dári-dármek qunynyń birtindep arzandaýy, condaı-aq baǵasy belgili bir deńgeıde ósken dárilerdiń azaıǵandyǵy baıqaldy», - dedi ákim orynbasary.
Sonymen qatar A. Lýkın kóterme dıstrıbıýtorlardyń derekterine súıene otyryp, otandyq óndirýshilerdiń dárilik preparattaryna baǵanyń artýy bolmaıtynyǵyn atap ótti.
«Al ımporttyq preparattarǵa toqtalatyn bolsam, kóterme dıstrıbıýtorlar shet eldik óndirýshi zaýyttarmen kelissózder júrgizýde. Sondyqtan da barlyǵy bekitilgen memorandýmdardyń aıasynda shekten aspaıdy. Bul baǵyttaǵy jumystar jalǵasady», - dedi ol.
