Elordada «Damý» qorynan nesıe alyp berýdi usynǵan alaıaq ustaldy
NUR-SULTAN. QazAqparat - Nur-Sultanda turǵyndarǵa nesıe alýda kómek usynǵan áıel ustaldy, dep habarlaıdy QazAqparat qalalyq polıtsııa departamentine silteme jasap.
«Nur-Sultan qalalyq polıtsııa departamenti Saryarqa aýdandyq basqarmasynyń qyzmetkerleri 33 jastaǵy turǵyndy ustady. Ol «Damý» qory arqyly iri kólemde nesıe áperýde kómek usynǵan. Onyń «Damý» qoryna esh qatysy joq. Óz «qyzmeti» úshin ár adamnan 100-200 myń teńge aralyǵynda qarajat alyp otyrǵan. Osylaısha, oǵan 22 adam óz erkimen aqsha ákelip bergen», - dep habarlady polıtsııa qyzmeti.
Atalǵan fakt boıynsha QR Qylmystyq Kodeksiniń 190-baby boıynsha (Alaıaqtyq) sotqa deıingi tergeý amaldary bastaldy.
