Elordada dámhana órtenip jatyr
NUR-SULTAN. QazAqparat - Elordanyń Shaımerden Qosshyǵululy kóshesiniń boıynda Doner house dámhanasy órtenip jatyr, dep habarlaıdy QazAqparat tilshisi oqıǵa ornynan.
Dál qazirgi ýaqytta jeke turǵan ǵımarattyń shatyry janyp jatyr. Oqıǵa ornyna eki órt sóndirý jáne bir jedel járdem kóligi jetken.
Órttiń neden shyqqan belgisiz.
Dámhananyń órtengeni jaıly resmı aqparatty QR ІІM Tótenshe jaǵdaılar komıteti de berip, zardap shekkender men qaza tapqandardyń joq ekendigin málimdedi.
«Saǵat 17-58-de órttiń aldy alynyp, 18-02-de tolyq sóndirildi. Ot sharpyǵan aýmaq 70 sharshy metrdi quraıdy. Qaza tapqandar men zardap shekkender joq. Órttiń shyǵý sebebi anyqtalyp jatyr. Qyzyl jalyndy sóndirýge elordalyq tótenshe jaǵdaılar departamenti jeke quramynyń 10 mamanymen 2 órt sóndirý tehnıkasy jumyldyryldy», - dep atap ótedi komıtetten.
