Elordada dámhana asynan on adam ýlandy

ASTANA. KAZINFORM — Astan ýlanǵan naýqastar aýrýhanaǵa jetkizildi. Olardyń jaǵdaıy — ortasha aýyr qalypta.

Áleýmettik jelide elordadaǵy «Kóktem» dámhanasynda as ishkennen keıin ózin jaısyz sezingeni jaıly jazbalar tarady. Іstiń mán-jaıyn elordanyń densaýlyq saqtaý basqarmasy túsindirdi.

— Qalalyq ınfektsııalyq ortalyǵynyń qabyldaý bólimine astan ýlanǵan jedel gastroenterıt dıagnozymen 10 naýqas júgindi. Onyń ishinde 9 naýqas qajetti tekserýler men medıtsınalyq kómek kórsetý úshin aýrýhanaǵa jatqyzyldy, 1 naýqas aýrýhanaǵa jatýdan bas tartyp, ambýlatorııalyq emdeý boıynsha tıisti usynystar alyp, úıine jiberildi, — degen jaýap aldyq basqarmadan.

Qazir patsıentterdiń jaǵdaıy — ortasha aýyr qalypta.

— Olar mamandardyń baqylaýynda, tıisti em alyp jatyr, — delingen bizge kelgen habarlamada.

Eske salsaq, ótken jyly SQO-da bir otbasy astan ýlanyp, 2 bala qaıtys boldy. 

Jyl basynda Mańǵystaý oblysyna qarasty Qyzylsaı aýylynda balabaqshada balalar astan ýlandy. 

Sondaı-aq Túrkistanda sýshı jegen 22 turǵyn ýlanyp qalǵany týraly jazǵan edik.