Elordada dabyl qaǵý júıeleri tekseriledi
NUR-SULTAN. QazAqparat - Elordada erteń dabyl qaǵý júıeleri tekseriledi, dep habarlaıdy QR TJD baspasóz qyzmeti.
«Qymbatty qala turǵyndary men qonaqtary, 11 shilde kúni 09 saǵat 55 mınýtta tele-radıo arnalarda jáne elektrodabyldaryn qosý arqyly Nur-Sultan qalasynyń qulaqtandyrý júıeleri tekseriledi» delingen habarlamada.
Eske salamyz, tótenshe jaǵdaı oryn alǵan kezde nemese tótenshe jaǵdaıdyń oryn alýyna qaýip tóngen kezde elektrodabyldar nemese basqa da dabyl quraldary qosylady. Bul dabyldy estigen kezde turǵyndar mindetti túrde qolaıly aqparat qabyldaý quraldaryn (teledıdarlar, radıolar jáne t.b.) is-áreketter týraly nusqaýlar men aqparat alý úshin qosýlary kerek.
Nur-Sultan qalasy Tótenshe jaǵdaılar departamenti qala turǵyndary men qonaqtaryn sabyrlyq saqtaýǵa, úreılenbeýge shaqyrady.
