Elordada D.Nazarbaevanyń jetekshiligimen óner festıvali ótedi
ASTANA. QazAqparat - 20-22 maýsym kúnderi elordada «Astana keshteri» atty 3-shi halyqaralyq óner festıvali ótedi.
Festıvaldiń baspasóz qyzmetiniń habarlaýynsha, mádenı shara «Degdar» gýmanıtarlyq qory qamqorshylyq keńesiniń tóraıymy Darıǵa Nazarbaevanyń bastamasymen ári jetekshiligimen uıymdastyrylady.
«Joba aıasynda 5 kontsert uıymdastyrylyp, onda Qazaqstan, Reseı, Ázerbaıjan jáne Italııanyń tanymal oryndaýshylary óner kórsetedi. Barlyq kontsertter life formatynda ótedi. Bul joba qaıyrymdylyq sharasy bolǵandyqtan barlyq bıletter tegin taratylady», - delingen habarlamada.
Kontsertter Beıbitshilik pen kelisim saraıy men «Astana Opera» teatrynyń zalynda ótedi.
