Elordada «CrossFit Astana Bolashak Cup 2016» kópsaıysy ótýde
ASTANA. QazAqparat - Elordanyń Qajymuqan atyndaǵy Ortalyq stadıonynda «CrossFit Astana Bolashak Cup 2016» fýnktsıonaldy kópsaıystan ekinshi qazaqstandyq oıyndar ótip jatyr.
«Bolashaq» qaýymdastyǵynyń uıymdastyrýymen ótip jatqan sporttyq sharanyń ashylý rásimine elimizdiń Ulttyq ekonomıka mınıstri Qýanysh Bıshimbaev pen Astana qalasy ákiminiń orynbasary Ermek Amanshaev qatysyp, quttyqtaý sóz sóıledi.
«Búginde sport barlyq qazaqstandyqtyń ómiriniń ajyramas bóligine aınalǵan. Memleket basshysy da elimizde buqaralyq sportty damytýdyń, ekonomıkada ǵana emes sportta da jetistikterge jetýdiń mańyzdylyǵyn birneshe márte aıtqan edi», - dedi saltanatty sharada sóz sóılegen Q.Bıshimbaev.
Sonymen osy jyly «Bolashaq» qaýymdastyǵy, «Samuryq-Energo» AQ, «CVL» JShS, «Damý» qory, «Reebok» kompanııasy jáne Nazarbaev Ýnıversıteti túlekteri qaýymdastyǵy komandasy júldeli oryndar úshin baq synaýda. Saıys eskek esý, sendbegterdi arbamen jeke jáne aýysyp tasý kezeńderinen turady.
Birinshi oryn alǵan komandaǵa 600 myń, ekinshi orynǵa 300 myń jáne úshinshi orynǵa 180 myń teńge syıaqy beriledi. Munan bólek kórermender men jankúıerler úshin de birqatar baıqaý uıymdastyrylýda. Olardyń jeńimpazdaryna da júldeler men syılyqtar tabystalmaq.
