Elordada COVID-19-ben syrqattaný deńgeıi 9,9%-ǵa artty
NUR-SULTAN. QazAqparat – Elordada COVID-19-ben aýyrǵandar sany kúnine 70-ten 143 adamǵa deıin artyp otyr. Bul týraly elorda ákimdiginiń baspasóz ortalyǵynda ótken onlaın brıfıngide aıtyldy, dep habarlaıdy QazAqparat tilshisi.
Búgin elorda ákimdiginde elordadaǵy epıdemıologııalyq jaǵdaı jáne mektepterdegi karantın shekteýine qatysty brıfıng ótti.
«Sońǵy aptada aýyrǵandar sanynyń ósýine baılanysty Nur-Sultan qalasyndaǵy COVID-19 ınfektsııasy turaqsyz dep baǵalanady. Tirkelgender sany kúnine 70-ten 143 adamǵa deıin artyp otyr. Sońǵy aptada syrqattaný deńgeıi aldyńǵy aptadan bastap 9,9%-ǵa joǵary. 10 myń turǵynǵa shaqqandaǵy qarqyndy kórsetkish 59,2%», - deıdi Nur-Sultan qalasynyń bas memlekettik sanıtarlyq dárigeri Sarhat Beısenova.
Onyń aıtýynsha,10 naýryzdan bastap elorda «qyzyl aımaqqa» kirdi.
«Koronavırýs ınfektsııasy kóbeıýiniń negizgi sebebi – qala turǵyndarynyń karantın sharalaryn saqtamaýy, kóp jınalatyn qoǵamdyq oryndarǵa barýy, maska taǵýdy eskermeý, aýyrǵan adamdarmen jaqyn baılanysta bolǵandardyń rejımdi saqtamaýy», - deıdi ol.
