Elordada tsıfrlyq aktıvterdi aıyrbastaý salasynda zańsyz kásipkerlikpen aınalysqandar ustaldy

ASTANA. QazAqparat – Qarjylyq monıtorıng agenttiginiń Astana qalalyq departamenti elimizdiń 3 azamatynyń «ABS Change» krıpto aıyrbastaý pýnkti arqyly tsıfrlyq aktıvterdi aıyrbastaý salasyndaǵy zańsyz kásipkerlikpen aınalysqanyn áshkereledi, dep habarlaıdy QazAqparat agentiktiń baspasóz qyzmetine silteme jasap.

Atalǵan azamattar zańsyz áreketterin «Astana» Halyqaralyq qardy ortalyǵy alańynan tys jerde iske asyrǵan. Olar qylmystyq áreketin Astana qalasynyń aýmaǵynda 2021-2023 jyldar aralyǵynda júzege asyrǵan.

Ótkizilgen is-sharalardyń nátıjesinde aıyrbastaý pýnktin uıymdastyrýshyladyń zattary, 342 000 AQSh dollary jáne 7 mln teńgesi tárkilendi. «Binance» platformasynda 2 krıpto ámııannan 23 myńǵa jýyq AQSh dollary somasyna krıptoaktıvter anyqtalyp, olarǵa ýaqytsha shekteý qoıyldy.

Aldyn ala esep boıynsha «Binance» platformasyndaǵy krıpto aıyrbastaý pýnktiniń krıptoámııandarynyń jalpy aınalymy shamamen 34 mln AQSh dollaryn qurady.

Tergeý jalǵasýda. QPK-niń 201-babyna sáıkes ózge aqparat jarııa etýge jatpaıdy.

«Aıta keteıik, QMA jumysynda negizgi nazar kóleńkeli bızneske qarsy is-qımylǵa baǵyttalǵan. Byltyr qabyldanǵan sharalar kesheni kóleńkeli ekonomıka deńgeıiniń 21,5% boljamdy mánimen 19,7%-ǵa deıin tómendeýine oń áser etti»,-delingen habarlamada.