Elordada cheh dárigerleri san-jambas býynyn aýystyrý boıynsha 2 ota ótkizedi
ASTANA. 27 qarasha. QazAqparat - 27-28 qarashada qalalyq týberkýlezge qarsy dıspanserde endroprotezderdiń jetekshi cheh óndirýshisimen birlesip «San-jambas býynyn alǵash ret tolyq endoprotezdeý» taqyrybynda sheberlik synybyn ótkizý kózdelgen. Bul týraly Densaýlyq saqtaý basqarmasyna silteme jasap astana.kz habarlady.
Sheberlik synyby aıasynda Klatovı qalasynyń (Chehııa) aımaqtyq aýrýhanasynyń jetekshi mamany, ortopedııa bóliminiń meńgerýshisi, m.ǵ.d. ıAn Peshek Astana qalasynyń týberkýlezge qarsy dıspanseriniń osteohırýrgııalyq bóliminiń meńgerýshisi, m.ǵ.k. Ádilet Dúısembaevpen birge 2 ota jasaıdy.
Baǵdarlama boıynsha Astana qalasynyń TQD osteohırýrgııalyq bóliminde jatqan týberkýlezge qarsy emdeýdiń tolyq kýrsyn aıaqtaǵan jáne endoprotezdeýdi qajet etetin naýqastarǵa 2 ota jasaý kózdelgen. Naýqastar professor ıAn Peshekten aldyn ala keńes aldy, olarǵa san-jambas býynyn endoprotezdeý usynyldy. Aıta keteıik, atalǵan is-sharaǵa Almaty, Shyǵys Qazaqstan, Qaraǵandy, Qostanaı, Pavlodar oblystarynyń súıek týberkýlezi boıynsha mamandary, travmatolog-ortopedteri qatysady.
