Elordada «Bıýdjetke qatysý» jobasyna ótinimder qabyldaý júrip jatyr

NUR-SULTAN. QazAqparat - Búgin #ANTIKOR.LIVE jobasy aıasynda tikeleı efırde Nur-Sultan qalasy «Saryarqa» aýdanynyń ákimi Eset Baıken men Nur-Sultan qalasy boıynsha Sybaılas jemqorlyqqa qarsy is-qımyl departamenti basshysynyń birinshi orynbasary Baqytjan Nııazov aýdan ákimdiginde júrgizilip jatqan jumystar men aǵymdaǵy jylǵa josparlanǵan is-sharalar týraly onlaın dıalog ótkizdi.

Efır barysynda ákim «halyq únine qulaq asatyn memleket» tujyrymdamasy aıasynda júrgizilip jatqan jumystar týraly aıtyp berdi.

«Saryarqa» aýdanynyń alǵashqylardyń biri bolyp «OPEN AKIMAT» formatynda qyzmet kórsetýdiń servıstik úlgisine kóshti, onda turǵyndarǵa «bir tereze» qaǵıdaty boıynsha qyzmet kórsetiledi.

Aıta ketý kerek, 2020 jyly «OPEN AKIMAT» 9 suranysqa ıe sala boıynsha 15 myńnan astam adam júgingen.

Halyq arasynda eń ózekti máseleler azamattyq hal aktilerin tirkeý, turǵyn úı, jumyspen qamtý jáne taǵy basqalar boldy.

Eset Baıken ákimdik halyqpen áleýmettik jeliler men messendjerlerde belsendi jumys júrgizip jatqanyn aıtty. 2020 jyly barlyǵy 5 myńnan astam suraq qabyldandy jáne óńdeldi (vatsap – 2632, áleýmettik jeliler jáne jedelhattar – 2480).

Sondaı-aq apta saıyn, ár senbi kúni ákim áleýmettik jelide tikeleı efırler ótkizedi.

Sonymen qatar, halyqpen keri baılanys ornatý úshin ákimdik saıtynda jeke whatsApp nómirine silteme jasaı otyryp, ákimniń blogy iske qosyldy, onda aýdan turǵyndary táýliktiń kez kelgen ýaqytynda óz suraqtaryn qoıa alady, - dep málimdedi spıker.

Osylaısha, jeke qabyldaýlar men ótinishter kezinde turǵyndar kótergen negizgi máselelerdiń biri áleýmettik kómek kórsetý bolyp tabylady. 2020 jyly áleýmettik kómek kórsetý jelisi boıynsha kelesi jumystar júrgizildi:

2020 jyly 9 400-den astam otbasyna túrli áleýmettik kómek kórsetildi jáne 1 613 otbasyna jalpy somasy 725 mln.teńgege ataýly áleýmettik kómek tólendi.

Efır barysynda Eset Baıken «Astana – adaldyq alańy» jobasy aıasynda aýdan ákimdigi alǵashqylardyń biri bolyp «Bıýdjetke qatysý» pılottyq jobasyn engizgenin, onyń kómegimen azamattar jergilikti bıýdjetten qalany abattandyrý obektilerin anyqtaý boıynsha óz ıdeıalaryn usynatynyn aıtty.

8 aqpanda «Bıýdjetke qatysý» jobasyna ótinimder qabyldaý bastaldy. Qazirgi ýaqytta 5 ótinim kelip tústi.

Tikeleı efırde aýdan ákimi barlyǵyn belsendi qatysýǵa shaqyrdy. Tolyq aqparat «Saryarqa» aýdany ákimdiginiń resmı saıtynda jarııalandy www.saryarka.astana.kz «Bıýdjetke qatysý» aıdarynda.

Ótinimderdi qabyldaý aǵymdaǵy jyldyń 8 naýryzyna deıin júrgiziledi.

Sondaı-aq, efır barysynda Eset Baıken «Saryarka» ákimdiginiń 2020 jyly atqarǵan jumysy jáne aǵymdaǵy jylǵa arnalǵan josparlary týraly aıtyp berdi.

Dıalog barysynda jer ýchaskesin resimdeýge jáne páter ıeleriniń kooperatıvi qyzmetine jáne t.b. qatysty jeli paıdalanýshylarynyń suraqtaryna jaýaptar berildi.