Elordada Bus-shaqyrym tarıfin engizý máselesi talqylanyp jatyr
ASTANA. QazAqparat - Elordada Bus-shaqyrym tarıfin engizý máselesi talqylanyp jatyr. Bul týraly búgin Astananyń Qoǵamdyq keńesi barysynda elorda ákiminiń orynbasary Sergeı Horoshýn aıtty, dep habarlaıdy QazAqparat tilshisi.
«Bus-shaqyrymdy engizýden eshkim bas tartyp, mindettemeden jaltaryp otyrǵan joq. ıAǵnı, bul kelesi kezeń sanalady. Degenmen, ol jolaýshylar tasymaly aǵynyn, túsetin qarajat kólemin anyqtaǵannan keıin ǵana engizilýi múmkin. Bus-shaqyrymdy biz aǵymdaǵy jyly tyńǵylyqty qarastyryp, Qoǵamdyq keńeske shyǵaryp talqylaımyz dep oılaımyn», - dedi ol.
Ákim orynbasarynyń aıtýynsha, elordanyń qoǵamdyq kólikterinde saralanǵan tarıf engizý máselesi jan-jaqty pysyqtalyp jatyr. Ol Bus-shaqyrym tarıfin engizýge barlyq tuǵyrnama daıyndaýdyń birinshi kezeńi sanalady.
«Biz Bus-shaqyrym kelesi kezeń ekenin túsinemiz jáne ol tasymal tıimdiligin arttyra túsetin bolady. Avtobýs parki úshin qansha jolaýshy tasymaldaǵany mańyzdy bolmaıdy. Olar A núktesinen V júktesine kesteni eshqandaı buzýshylyqsyz jetip, sol úshin belgilengen tarıf boıynsha tólem alýy qajet. Al ol tarıf elektrondy tólem engizýmen qatysty máselerdi tolyq aıaqtaǵannan keıin belgili bolady. Sodan keıin tólenetin naqty sýbsıdııa tizilimin anyqtaımyz. Bul tsıfrdy bizdiń jumysymyzdyń qorytyndysy boıynsha aǵymdaǵy jyldyń sońynda alamyz dep oılaımyn», - dedi Sergeı Horoshýn.
Aıta keteıik, Astananyń Qoǵamdyq keńesi qoǵamdyq kóliktegi tarıfter boıynsha tyńdaýlar ótkizip jatyr. Tyńdaý barysynda «Astana LRT» JShS-niń basqarma tóraǵasy Bekmyrza Igenberdınov qoǵamdyq kólikte jol júrý quny kólik kartasymen tóleý kezinde 90 teńgeni quraıtyndyǵyn, al qoǵamdyq kólikti jıi paıdalanbaıtyn nemese karta alýdy qajetsinbeıtinder úshin jol júrý quny 180 teńge bolatyndyǵyn aıtty.
