Elordada burqasyn soǵyp, kóktaıǵaq bolady
ASTANA. QazAqparat - Qazgıdromettiń habarlaýynsha, soltústik-batystan úlken jyldamdyqpen tsıklon jaqyndap keledi. Erteń, 9 qarasha kúni tańǵy saǵat 6-da ol Qostanaı oblysyna, al 18:00-de SQO-ǵa jetedi. Osyǵan baılanysty jel kúsheıip, burqasyn turady, kóktaıǵaq bolady.
Aqmola oblysynyń aýmaǵynda 15-20 m/s jyldamdyqpen jel turady, onyń ekpini 23-25 m/s jetedi. Keı jerlerde jeldiń jyldamdyǵy 30 m/s deıin kúsheıedi.
Astanada ońtústik-batystan 15-20 m/s jyldamdyqpen jel soǵady, keı jerlerde ekpini 25 m/s jetedi. Kóktaıǵaq, syrma boran soǵyp, oqtyn-oqtyn qar jaýady. Aýa temperatýrasy túnde mınýs 5, keı jerlerde 10ºS nólden tómen, kúndiz -2 gradýstan +3 gradýs aralyǵynda bolady. Keshke qaraı aýa raıy jylynady.
Qazirgi kezde qalanyń kommýnaldyq qyzmetteri shtattyq rejımde jumys isteýde. Qar qatty jaýyp, burqasyn soqqanda olar kúsheıtilgen rejımge aýysady. Joldar men jaıaý júrginshilerdiń joldaryna kóktaıǵaqqa qarsy zattar sebiledi, dep jazady astana.gov.kz.
