Elordada «Burqasyn-2022» qysqy festıvali ótedi
NUR-SULTAN. QazAqparat - Elordada 20 aqpan kúni jyl saıynǵy «Burqasyn-2022» qysqy festıvali ótedi, dep habarlaıdy QazAqparat qala ákimdiginiń resmı saıtyna silteme jasap.
Atalmysh shara jyl saıynǵy qysqy festıvali baǵdarlamasy aıasynda sporttyń 10 túrinen ótedi: shańǵy jarysy, gir tasyn kóterý, qol kúresi, belbeý kúresi, arqan tartys, pımaly hokkeı, qarmen nysanany dáldep atý, avtosport, motosport jáne qysqy fýtbol sekildi jarystar boıynsha ótedi.
Jarysqa qatysýǵa densaýlyǵy jaramdy kez kelgen adam qatysa alady. Tirkeýden ótý kezinde ózimen birge jeke basyn kýálandyratyn qujat bolýy qajet.
Shańǵy jarystaryna tirkelý jarys kestesine sáıkes 30 mınýt qalǵanda, ótetin orynda júrgiziledi.
Shańǵy jarysyna qatysýshylardyń starttyq nómirleri ár jas toby boıynsha sóreden 30 mınýt buryn beriledi.
Jarys sanıtarlyq normalar men qaýipsizdik tehnıkasyn saqtaı otyryp júrgiziledi.
Ár jas tobyndaǵy jeńimpazdar men júldegerler dıplomdarmen, medaldarmen jáne baǵaly syılyqtarmen marapattalady.
Qysqy festıval 2022 jyldyń 20 aqpanynda, saǵat 11:00 de bastalady.
Ótetin orny: Nur-Sultan qalasy, «Esil» ózeni, Amfıteatr janynda.
