Elordada Býrabaı men Qoshqarbaev kósheleri jol jóndeýge jabylady
ASTANA. QazAqparat – Astanada eki kóshe 12 kúnge jol jóndeýge jabylady, dep habarlaıdy QazAqparat 109 qyzmetine silteme jasap.
Atap aıtqanda, Býrabaı kóshesinde ortasha jóndeý jumystarynyń júrgizilýine baılanysty 4-15 mamyr aralyǵynda Abylaı han dańǵylynan M.Tólebaev kóshesine deıingi ýchaskede kólik qozǵalysyna tolyǵymen tyıym salynady. Budan bólek, №71 jáne 73 avtobýstarynyń júrý baǵyty ózgeredi.
Sondaı-aq R.Qoshqarbaev dańǵylyndaǵy ortasha jóndeý jumystaryna baılanysty 4-15 mamyr aralyǵynda M.Jumabaev dańǵylynan S.Nurmaǵambetov kóshesine deıingi ýchaskede jol jabylady.
Elorda turǵyndary men qonaqtary joldarda keptelis jaǵdaılaryn boldyrmaý úshin óz marshrýtyn aldyn ala josparlaýy qajet.
