Elordada búldirshinderge arnalǵan «Týǵan kúnińmen, Astana!» balalar merekesi ótkizildi
ANA. 1 shilde. QazAqparat /Jasulan Amanbaıuly/ - Búgin Astanada QR Tuńǵysh Prezıdentiniń murajaıynda elorda kúni merekesiniń qarsańynda qalanyń kishkentaı búldirshinderine «Týǵan kúnińmen, Astana!» balalar merekesi ótkizildi.
Qazaq halqynyń ańyzdary men ertegileri, Qazaqstannyń bas qalasy - Astana týraly ánder men óleńder, dostyq pen baqytty balalyq shaq jaıynda baıandaıtyn balalar merekesi qalalyq № 20 «Araılym» balabaqshasynyń ujymymen birlese daıyndaldy.
Shara kezinde mektepke deıingi balalardyń damýy úshin alýan baıqaýlar uıymdastyryldy. Olardy túrli halyqtardyń salt-dástúrlerimen tanystyryp, túrli mádenıetke qurmetpen qaraýǵa, tózimdilikke tárbıeleıtin sahnalyq kórinister de qoıyldy. Balalarǵa uıymdastyrýshylar tarapynan syılyqtar tartý etildi.
QR Tuńǵysh Prezıdentiniń murajaıy dırektorynyń orynbasary Botagóz Qaıypovanyń aıtýynsha, murajaı mektepke deıingi mekemelermen yntymaqtastyq negizde jumys jasaýdy ıgi dástúrge aınaldyrǵan.
«Bıik ónegelik qasıetter tulǵanyń mektepke deıingi kezeńde qalyptasatyny sózsiz. Balanyń qorshaǵan ortaǵa qurmetpen qarym-qatynas jasaýy - olardyń birte-birte patrıottyq sezimderiniń qalyptasyp, balabaqshaǵa, týǵan jerine, eline degen mahabbattyń bekýine yqpal etedi», - dedi ol.
