Elordada búginge deıin 1640 adamǵa koronavırýsqa qarsy vaktsına salyndy
NUR-SULTAN. QazAqparat – Nur-Sultan qalasynda búginge deıin 1640 adamǵa koronavırýsqa qarsy vaktsına salyndy. Mundaı kórsetkishti Nur-Sultan qalalyq №2 emhanasynyń dırektory Lázzat Rúspekova jarııa etti, dep habarlaıdy QazAqparat tilshisi.
«Nur-Sultan qalasynyń qoǵamdyq densaýlyq saqtaý basqarmasy basshysynyń buıryǵymen elordada birinshi bolyp vaktsına egetin bes emhana bekitildi. Osy emhanalarda eń aldymen vırýsty juqtyrý qaýpi joǵary azamattarǵa salyna bastady. Ekpe jumystaryn bastamas buryn bes emhanada daıyndyq jáne uıymdastyrý jumystary júrgizilgen. Atap aıtqanda vaktsınany tasymaldaýǵa arnalǵan termokonteınerler alyndy, oqytý jumystary ótkizilip, sanıtarlyq-epıdemıologııalyq sala qyzmetkerlerimen qatar medıtsına qyzmetkerleri attestattaýdan ótti», - dedi Lázzat Rúspekova ortalyq kommýnıkatsııalar qyzmetiniń alańynda ótip jatqan baspasóz máslıhatynda.
Onyń aıtýynsha, elordada qazirge deıin 1640 adamǵa koronavırýsqa qarsy vaktsına salynyp qoıǵan.
«Vaktsınanyń bir flakony bes adamǵa jetedi. Osy vaktsınany salý kezinde ýaqyt boıynsha aralyq tártibi qatań saqtaldy. Vaktsına salynǵan adam alǵashqy 30 mınýtta baqylaýda bolady», - dedi ol.
