Elordada búgin koronavırýs anyqtalǵan adamdar úı karantıninde bolǵandar - basqarma
NUR-SULTAN. QazAqparat - Nur-Sultan qalasyndaǵy koronavırýstyń taralý jaǵdaılary týraly qalalyq qoǵamdyq densaýlyq saqtaý basqarmasynyń basshysy Sáýle Qısyqova aıtty, dep habarlaıdy QazAqparat tilshisi.
«Qaladaǵy juqpaly, pravızorlyq jáne karantındik aýrýhanalarda 1536 adam jatyr. Onyń 106-sy – 18 jasqa tolmaǵan balalar. Qazirgi ýaqytta elordada koronavırýs juqtyrýdyń 151 jaǵdaıy tirkelgen. Onyń 13 aýrýhanada jazylyp, úılerine jiberildi. 29 naýryzdaǵy jaǵdaı boıynsha koronavırýs juqtyrǵan 16 jaǵdaı tirkeldi. Olar buryn statsıonarlyq baqylaýda bolǵan nemese úılerinde oqshaýlanǵan adamdar, sondaı-aq aýyryp qalýy múmkin adamdarǵa monıtorıng jasaý protsesinde anyqtalǵandar», - deıdi Nur-Sultan qalasynyń qoǵamdyq densaýlyq saqtaý basqarmasynyń basshysy Sáýle Qısyqova Habar24 arnasynda ótken onlaın brıfıngte.
