Elordada birneshe kósheniń qıylysy jóndeý jumysyna baılanysty ýaqytsha jabylady
ASTANA. KAZINFORM – Astana qalasynyń Kólik jáne jol-kólik ınfraqurylymyn damytý basqarmasy myna kóshelerdiń qıylysynda ortasha jóndeý júrgizedi, dep habarlaıdy elorda ákimdiginiń resmı saıty.
Jóndeý jumysy myna kóshelerdiń qıylysynda júrgiziledi:
– Respýblıka dańǵyly men A. Imanov kóshesi;
– Respýblıka dańǵyly men Kenesary kóshesi;
– Respýblıka dańǵyly men Abaı dańǵyly.
Osyǵan baılanysty 19-21 sáýir aralyǵynda atalǵan ýchaskelerde qozǵalys ishinara jabylatyn bolady.
Júrgizýshiler men jaıaý júrginshiler júrý baǵytyn aldyn ala josparlaýy jáne qozǵalysty uıymdastyrýdaǵy yqtımal ózgeristerdi eskerýi qajet. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady.
Buǵan deıin elordadaǵy Sháımerdenov kóshesiniń bir bóligi jabylatynyn jazǵanbyz.
