Elordada birqatar kóshe jabylady
ASTANA. KAZINFORM — Astanada 29-30 mamyr kúnderi óńirdegi eń iri iskerlik oqıǵalardyń biri — Astana International Forum (AIF) 2025 ótedi. Forým álemdik kóshbasshylardyń, sarapshylardyń, ınvestorlar men bıznes ókilderiniń basyn qosady.
Álemniń túkpir-túkpirinen shamamen 600 sheteldik qonaq qatysady dep kútilip otyr. Olardyń qatarynda jetekshi saıasatkerler, halyqaralyq uıymdar men korporatsııa basshylary, ınvestorlar jáne ǵylymı orta ókilderi bar.
Forýmnyń ótkizilýine baılanysty Astanada birqatar kóshede kólik qozǵalysyna ýaqytsha shekteý engiziledi. Myna ýchaskelerdegi joldar jabylady:
* Anadoly kóshesi (bir baǵytymen) — G.Álıev kóshesinen Aqmeshit kóshesine deıin;
* G.Álıev kóshesi (bir baǵytymen) — Anadoly kóshesinen N. Balǵymbaev kóshesine deıin;
* Aqmeshit kóshesinde resmı kortej qozǵalysy kezinde ýaqytsha shekteýler qoıylady.
Júrgizýshiler men jaıaý júrginshilerden jol qozǵalysyn uıymdastyrýdaǵy yqtımal ózgeristerdi eskere otyryp, óz baǵytyn aldyn ala josparlaýy qajet. Qaýipsizdikti qamtamasyz etý jáne qolaısyzdyqtardy azaıtý maqsatynda jol boıyna ýaqytsha jol belgileri men nusqaǵyshtar ornatylady.
Aıta ketelik Astanada Kenesary kóshesiniń ýchaskesi ýaqytsha jabylatyny týraly jazǵan edik.