Elordada bir túnde 16 myń tekshe metrden astam qar shyǵaryldy

ASTANA. KAZINFORM — Astanadan bir túnde kommýnaldyq qyzmetter 1,2 myńnan astam júk kóligine tıelgen qar shyǵardy. Bul týraly Astana ákimdiginiń resmı saıty jazdy.

Elordanyń kommýnaldyq qyzmetteri aýa raıynyń qolaısyzdyǵyna, boran men aıazǵa qaramastan, táýlik boıy kúsheıtilgen rejımde jumys istep jatyr.

18 aqpan kúni tańerteń qar tazalaý jumysyna 2,2 myńnan astam jol jumysshy men 1,3 myńǵa jýyq arnaıy tehnıka jumyldyryldy.

Qala turǵyndarynyń qaýipsizdigi úshin joldarǵa, trotýarlar men kóshelerge qum-tuz qospasy sebildi.

Ótken túnde, ıaǵnı, 17 aqpannan 18-ine qaraǵan túni qaladan 16 myń tekshe metrden astam qar shyǵaryldy, polıgondarǵa 1,2 myńnan astam reıs jasaldy. 

Qys mezgiliniń basynan beri 347 myńnan astam reıs arqyly elordadan 4,7 mln tekshe metrden astam qar shyǵaryldy.