Elordada boıaýlar merekesi ótti
NUR-SULTAN. QazAqparat - Elordadaǵy Trıatlon saıabaǵynda «ıArkokross - JUNGLE» jazǵy sharasy ótti, dep habarlaıdy Elorda Info .
«Bul respýblıkalyq joba bolyp tabylady. Osymen jetinshi jyl qatarynan ótkizýdemiz. Búgingi merekege qatysýǵa 1200 astanalyq ótinim bildirdi. Jalpy jyl sanap qatysýshylardyń sany artyp keledi. Bul sharanyń basty ereksheligi jeńimpazdar men jeńilgender bolmaıdy, ıaǵnı qatysýshylardyń júgirý jyldamdyǵyn ólshemeımiz. Bizge eń bastysy – qatysýshylardyń jaqsy kóńil-kúıi men ásem kúlkisi kerek», - dedi sharanyń basty uıymdastyrýshysy Aleksandra Komleva.
ıArkokross - JUNGLE-ge qatysý 3 jasqa deıinshi balalarǵa tegin, odan joǵary balalar úshin 2000 teńge, al eresekter úshin 3000 teńgeden bastaý alady. Aıta keterligi shara jaqyndaǵan saıyn bılet quny joǵarylaı túsedi.
«Bıylǵy ıarkokross qatysýshylaryn jumbaq pen túrli shytyrman oqıǵalarǵa toly JUNGLE kútedi. Onda eriktiler jyrtqyshtar ańdar men shóp qorektilerge aınalady, sondaı-aq biz barlyq qatysýshylar úshin tosynsyılar ázirledik. ıArkokrosqa barlyǵy 70-teı erikti jumyldyryldy. Jáne sórege jetken barlyq qatysýshylarǵa jeńimpaz medali beriledi», - dedi ol.
Uıymdastyrýshylardyń aıtýynsha, atalǵan sharanyń negizgi maqsaty – qala turǵyndaryna jarqyn kóńil-kúı syılaýmen qatar, qalany jasyl-jelekke aınaldyrý.
«Júgiristen túsken barlyq qarajattar qaıyrymdylyqqa jumsalady. ıAǵnı qalada aǵash otyrǵyzylady. Osy kúnge deıin elordada 500-den astam aǵash otyrǵyzyldy», - dedi ol.
Sondaı-aq, shara uıymdastyrýshysy qatysýshylardyń jıi qoıatyn boıaý neden jasalady jáne ol qaýipsiz be degen suraqqa jaýap berdi.
«Boıaýlar túrli-tústi pýdradan jasalady. Ol ekologııalyq taza jáne qaýipsiz, ıaǵnı krahmal men taǵam boıaǵyshtary qoldanylady. Degenmen kózdi qorǵaý úshin kún sáýlesinen qorǵaıtyn kózildirik kııýdi jáne aýyzǵa kirip ketpeýi úshin maska taǵýdy usynamyz», - dedi ol.
13 shildede Qaraǵandy da bastaý alǵan boıaýlar merekesi aldaǵy 27 shilde kúni Kókshetaý jáne 17 tamyzda Shymkent qalasynda ótedi.
