Elordada bos jumys oryndary jármeńkesi ótti
ASTANA. Qarashanyń 5-i. QazAqparat /Marlan Jıembaı/ - Búgin elordada jumyssyz azamattardy jumyspen qamtý maqsatynda bos oryndar jármeńkesi ótti,
dep habarlaıdy QazAqparat.
Atalǵan sharany «Kásipkerlikti damytý jáne qoldaý ortalyǵy 2030» mekemesi Astana qalalyq ishki saıasat basqarmasynyń tapsyrysy boıynsha ótkizdi. Oǵan «Bilnex» «Invikta Global», «Sulýtóbe servıs» jaýapkershiligi shekteýli seriktestikteri, «Eńbek qorǵaý jónindegi respýblıkalyq ǵylymı-zertteý ınstıtýty» RMK jáne Astana qalalyq ishki ister departamenti atsalysty. Jalpy osy jármeńkede 11 mekeme bos jumys oryndaryn usyndy.
Bos jumys oryndary jármeńkesin uıymdastyryp otyrǵan mekemeniń qyzmetkeri Danııar Nııazqulovtyń aıtýynsha, jumys izdeýshilerdiń kópshiligi ekonomıka, zań salasynyń mamandary bolsa, al jumys berýshilerde negizinen tehnıkalyq mamandyqtarǵa suranys basym. Bul shara aldaǵy úsh aptanyń beısenbi kúnderi ótkizilmek.
