Elordada boran saldarynan birqatar baǵdarǵa qatynaıtyn avtobýstar toqtady
NUR-SULTAN. QazAqparat – Elordada boran saldarynan birqatar baǵdarǵa qatynaıtyn avtobýstar toqtady, dep habarlaıdy QazAqparat tilshisi.
«Aýa raıynyń qolaısyzdyǵyna baılanysty 326, 310, 311, 321, 302, 307, 305, 312, 320, 304, 317, 318, 322, 308, 309, 315, 316 baǵdarlardyń qozǵalysy ýaqytqa toqtaldy. 12 baǵdar Arnasaı, Sarytoǵaı jáne Belasar kóshelerine deıin júrmeıdi», - delingen CTS kompanııasynyń Instagram paraqshasynda jarııalanǵan aqparatta.
Aıta keteıik, qazirgi ýaqytta elordada qalyń qar jaýyp tur. Onyń ústine soltústik-batystan soqqan jeldiń jyldamdyǵy sekýndyna 9-14 metrge, oqtyn-oqtyn 15-20 metrge deıin jetip tur. Sonyń saldarynan qala kósheleri aqtútek borannyń astynda qalǵan.
Qalyń qar jáne borannyń saldarynan elordadan shyǵatyn 4 baǵyttaǵy jol jabylǵan.
