Elordada «bomba qoıylǵan» túngi klýbtan 50 adam evakýatsııalandy
NUR-SULTAN. QazAqparat – Elorda polıtseıleri «mına qoıyldy» dep habarlama túsken túngi klýbtan 50 adamdy qaýipsiz jerge kóshirgen, dep habarlaıdy QazAqparat tilshisi.
«11 jeltoqsan saǵat 04.20-da oıyn-saýyq mekemesine kelgen bir áıel «102»-ge qońyraý shalyp, belgisiz bireýdiń Beıbitshilik kóshesindegi túngi klýbqa mına qoıyp ketkenin aıtty. Barlyq jedel qyzmet túri dereý oqıǵa ornyna attandy. Kóp ótpeı buryn sotty bolǵan 30 jastaǵy astanalyq turǵyn ustaldy. Ustalǵan azamat mas bolǵan. Qazir sotqa deıingi tergeý júrip jatyr», - dep habarlaıdy qalalyq polıtsııa departamentinen.
Polıtsııa tekserisi barysynda túngi klýbtan qaýipti jáne tyıym salynǵan zat tabylǵan joq. 50-den astam kelýshi men túngi klýb qyzmetkeri evakýatsııalanǵan.
Nur-Sultan qalasynyń tártip saqshylary jalǵan habarlama taratqan adamnyń qylmystyq jaýapkershilik tartylatynyn eskertedi.
