Elordada «Bolashaq» stıpendıattary Naýryz merekesin atap ótýde
STANA. Naýryzdyń 22-si. QazAqparat /Jasulan Amanbaıuly/ - Astanadaǵy «Han shatyr» saýda ortalyǵynyń aldynda tigilgen júzdegen kıiz úılerdiń birinde QR Prezıdentiniń halyqaralyq «Bolashaq» stıpendııasynyń ıegerleri qaýymdastyǵy Naýryz meıramyn merekeleý sheńberinde ózderiniń kontserttik baǵdarlamalaryn usyndy,
dep habarlaıdy QazAqparat.
«Naýryz meıramy - Shyǵys halyqtarynyń kóbinde musylman dinin qabyldaýdan kóp buryn paıda bolǵan, ejelden kele jatqan mereke», deıdi uıymdastyrýshylar.
Stıpendıattar ózderiniń kontserttik baǵdarlamalarynda ulttyq aspaptarda kúı tartyp, qazaq ánderin shyrqaıdy. Sonymen qatar qazaqtyń salty - «balaǵa at qoıý» rásimin jasaıdy.
«Áz-naýryzdyń biz úshin erekshe mańyzy bar. Sebebi bul bizdiń jańa jyldyń bastalýyn bildiretin, urpaqtan- urpaqqa jalǵasyp kele jatqan mereke. Taǵy bir qýantatyn jaıt, Birikken Ulttar Uıymynyń Bas Assambleıasynyń sheshimimen Naýryz merekesi halyqaralyq mártebege ıe boldy. Bul tarıhı mańyzy bar oqıǵa. Sondyqtan Astana qonaqtaryna, turǵyndaryna, kelgen sheteldikterge, ózimizdiń qazaqtyń jastaryna qazaqtyń salt-dástúrlerin pash etý maqsatynda bizdiń «Bolashaq» stıpendıattary bul toıdy bıik, merekeli dárejede toılaýda. Bizdiń elimizge degen súıispenshilikti, ózimizdiń salt-dástúrlerimizdi, tarıhymyzdy tanı biletinimizdi kórsetýimiz kerek», deıdi Qaýymdastyq keńesiniń múshesi Altaı Kólgipov.
Arnaıy merekege oraı, shetelde bilim alyp júrgen «Bolashaq» stıpendııasynyń ıegerleri ózderiniń beıne joldaýlaryn jibergen.
