Elordada bokstan áıelder arasyndaǵy Azııa chemponaty ótedi
ASTANA. Mamyrdyń 6-sy. QazAqparat - Mamyrdyń 23-i men 31-i aralyǵynda elordada QR Sport jáne týrızm mınıstrligi, Azııa Boks konfederatsııasy jáne Qazaqstan Boks federatsııasynyń uıymdastyrýymen bokstan áıelder arasyndaǵy Azııa chemponaty ótedi.
Bul aqparatty QR Boks federatsııasynyń baspasóz qyzmetinen habarlady.
Týrnırge 20-dan astam eldiń bylǵary qolǵap sheberleri shaqyrylǵan. Sharshy alańdaǵy 11 salmaq sanatyndaǵy básekeler ASBC erejelerine sáıkes ári Azııa Boks konfederatsııasynyń tehnıkalyq resmı tulǵalarynyń qadaǵalaýymen ótedi.
Qatysýǵa ótinish bergen komandalardyń quramynda Álem, Eýropa jáne Azııa chempıonattarynyń júldegerleri men jeńimpazdary bar.
Mamyrdyń 24-inde saǵat 16.00-de chempıonattyń ashylý saltanaty bolady, al saǵat 17.00-den básekeler bastalady. Mamyrdyń 27-sinde - shırek fınal, 29-ynda - jartylaı fınal, 30-ynda - fınaldyq básekeler ótedi.
Áıelder boksy 2012 jyly ótetin Olımpıadalyq oıyndardyń baǵdarlamasyna engizildi, Azııa chempıonatynyń Qazaqstanda ótýi áıelder boksynyń búkil álemde tanylǵanyn aıǵaqtaıdy.
«Chempıonat aıasynda eki halyqaralyq komıssııanyń: Azııa Boks konfederatsııasy Áıelder komıssııasynyń jáne Azııa boks komıssııasy Jarystar jónindegi komıssııasynyń májilisteri ótedi. Osynaý bedeldi sporttyq sharalarǵa - Azııa Boks konfederatsııasynyń prezıdenti Jan Pıng Chang, ABK Atqarýshy dırektory Gýojeng Jeng, Qazaqstannyń, sonymen qatar jarysqa qatysýshy elderdiń mınıstrlikteri men sporttyq uıymdarynyń ókilderi qatysady dep kútilýde», delingen baspasóz habarlamasynda.
