Elordada Bógenbaı dańǵylynyń boıyndaǵy kópir jóndeledi
NUR-SULTAN. QazAqparat - Elordadaǵy Bógenbaı batyr dańǵylyndaǵy jol qozǵalysyna ishinara shekteý qoıyldy, dep habarlaıdy QazAqparat ákimdik saıtyna silteme jasap.
«16 qańtardan 1 qazanǵa deıin temir jol ústinen ótetin kópirdiń tirek bóliginiń kúrdeli jóndelýine baılanysty Bógenbaı batyr dańǵylyndaǵy Sh.Ýálıhanov kóshesinen Aqjol kóshesine deıingi ýchaskede kóliktiń barlyq túrine qozǵalys shekteldi», delingen habarlamada.
Qozǵalysty ishinara shekteýge baılanysty ár baǵyttaǵy 4 jolaqtyń 2-ýi jabyldy.
Atalǵan ýchaskedegi júktemeni azaıtý úshin kópirden túsken kólikterge solǵa Sh.Ýálıhanov kóshesine qaraı burylýǵa ýaqytsha tyıym salynǵan.
Joldarda keptelis boldyrmaý úshin turǵyndar baratyn jerlerine baǵytty aldyn-ala josparlaý qajettiligi eskertiledi.
