Elordada Bógenbaı dańǵylynda kólik qozǵalysy shekteldi
NUR-SULTAN. QazAqparat – Jóndeý jumystaryna baılanysty Bógenbaı batyr dańǵylyndaǵy kópirde qozǵalys ishinara jabyldy, dep habarlaıdy qalalyq ákimdiktiń baspasóz qyzmeti.
Jóndeý jumystaryna baılanysty 11 jeltoqsanda Alash tas joly kópiri (Bógenbaı batyr dańǵyly arqyly ótetin kópir) Ýálıhanov kóshesinen Ortalyq bazar baǵytynda jabylady.
Kólik jáne jol-kólik ınfraqurylymyn damytý basqarmasynyń habarlaýynsha, 11 jeltoqsanda nysandaǵy temirjol arqyly (oń jaǵy) ótetin No2 jol ótpesiniń aralyq qurylysynyń arqalyǵy buzyldy.
«Bólshektelgen arqalyq qaýipsizdik jolaǵy men qozǵalys jolaǵynyń bir bóliginde bar aralyqta qaldyrý kerek boldy. Osyǵan baılanysty joldyń bir bóligin jabýǵa týra keldi. 12 jeltoqsanǵa qaraǵan túni bul materıal bólshektenip, qoqys polıgonyna shyǵarylady», - dep túsindirdi mamandar.
Azamattarǵa keptelisti boldyrmaý úshin óz baǵdaryn aldyn-ala josparlaýǵa keńes beriledi.
Nur-Sultannyń kólik jáne jol-kólik ınfraqurylymyn damytý basqarmasy jóndeý jumystaryna túsinistikpen qaraýdy suraıdy.
