Elordada birneshe avtobýstyń qozǵalys baǵyty ýaqytsha ózgerdi
ASTANA. KAZINFORM — Búgin Astanada on avtobýs baǵdarynyń qozǵalys marshrýty ýaqytsha ózgerdi. Bul týraly «City Transportation Systems» JShS málimdedi.
№ 75, № 64, № 80, № 120A, 306, 310, 311, 319, 326, 328 baǵdarlardyń qozǵalys syzbasy ýaqytsha ózgertildi.
«City Transportation Systems» JShS «Eýrazııa» SO aıaldamasyna avtobýstardyń toqtaý múmkindigi joq ekenin habarlady. Osyǵan baılanysty № 4,4A,14,20,24,24N,40,44,61,71,503 baǵdarlar jolaýshylardy atalǵan aıaldamada ýaqytsha otyrǵyzyp/túsirmeıdi.
Eske sala keteıik, Astanada Nurǵısa Tilendıev dańǵylynyń Barshyn kóshesinen kólik jolaıryǵyna deıingi aralyǵyndaǵy jol tósemine jóndeý júrgiziledi. Osyǵan baılanysty 22-26 shilde aralyǵynda atalǵan kólik qozǵalysy ishinara shekteledi.
