Elordada bıznes sýbektilerinen turaqty túrde para alyp kelgen bólim bastyǵy ustaldy

Bul týraly búgin QR Memlekettik qyzmet isteri jáne sybaılas jemqorlyqqa qarsy is-qımyl agenttigi Qoǵammen baılanys departamentiniń dırektory Arman Berdlın aıtty, dep habarlaıdy QazAqparat tilshisi.

«Sybaılas jemqorlyqqa qarsy is-qımyl ulttyq bıýrosynyń elordalyq departamenti Nur-Sultan qalasynyń Saryarqa aýdandyq qoǵamdyq densaýlyq saqtaý basqarmasy sanıtarlyq-gıgıenalyq qadaǵalaý bóliminiń basshysyna qatysty sotqa deıingi tergeý júrgizip jatyr», - dedi ol.

Departament basshysynyń sózine qaraǵanda, ol qoǵamdyq tamaqtaný nysandaryna josparly tekserýler boıynsha oń sheshim, sondaı-aq jalpy qamqorlyǵy úshin shaǵyn jáne orta bıznes sýbektilerinen jalpy somasy 75 myń teńge parany turaqty túrde alyp otyrǵan.

«Kinásin tolyq moıyndaýyna baılanysty kúdiktige qatysty protsestik ustaý qoldanylǵan joq. Tergeý jalǵasýda», - dedi A.Berdalın.