Elordada «Biz jolda qaýipsizdikti qoldaımyz!» avtosherýi ótti

NUR-SULTAN. QazAqparat – Búgin elordanyń ortalyq kóshelerimen «Biz jolda qaýipsizdikti qoldaımyz!» atty avtosherý ótti, dep habarlaıdy QazAqparat tilshisi.

Jergilikti polıtsııa qyzmeti basqarmasy «Road brothers MCC Kazakhstan» baıkerler klýbymen birge uıymdastyrǵan is-sharanyń maqsaty - jol-kólik oqıǵasynyń aldyn alý jáne jolyn kesýge qoǵamnyń nazaryn aýdarý. Avtosherýge evakýatormen avarııalyq jaǵdaıdaǵy kólikter, sondaı-aq, apattardyń aldyn alýǵa arnalǵan bılbordtary bar avtobýstar, Polıtsııa departamentiniń mototsıkl júrgizýshileri men tanymal baıkerler qatysty.

Avtosherý «Báıterek» monýmentinde aıaqtalyp, sol jerde «Jolda qabyldaý» aktsııasy júrgizildi. Іs-shara barysynda elorda turǵyndary men qonaqtary kókeıkesti máseleler boıynsha jedel túrde polıtsııamen tikeleı baılanysa aldy.

Aıta keterligi, jyl basynan beri elordada 188 jol-kólik oqıǵasy tirkelip, sonyń saldarynan 7 adam qaza tapty jáne 200 adam túrli deńgeıde dene jaraqatyn aldy.