Elordada bıyl jańa amfıteatr ashylady
NUR-SULTAN. QazAqparat – Elordada bıyl jańa amfıteatr ashylady, dep habarlaıdy QazAqparat qalanyń ýrbanıstıka ortalyǵyna silteme jasap.
«Bıyl qala turǵyndarynyń ótinishi boıynsha Prezıdent saıabaǵynda jańa amfıteatr paıda bolady. Amfıteatr bı qoıylymdaryn, spektaklderdi, kontsertterdi jáne ashyq aýada túrli qalalyq is-sharalardy ótkizýge arnalǵan alań bolady. Biz kaskad saty júıesin qoldanystaǵy relefke biriktirýdi jáne aǵyn tikeleı sahnaǵa ótetin shatyr qurylymymen jabýdy josparlap otyrmyz. Sahna alańy kóshe bılerin ótkizýge beıimdeledi. Bizde bı stýdııalary jáne Chırlıdıng federatsııasymen kelisim bar, olar bı úıirmeleri men jarystarǵa arnalǵan alańdy paıdalanady», delingen ortalyqtyń Instagram -daǵy paraqshasynda.
Ortalyq amfıteatr halyqtyń emotsııasyn jáne áleýmettik baılanysyn toltyratyn orynǵa aınalatynyna senimdi.
Aıta keteıik, 20 aqpanda qala ákimi Altaı Kólginov bıyl elordada jurt qyzyǵarlyq jańa oryndar ashylatynyn jarııalaǵan edi.
