Elordada bıyl ashylǵan mektepterdiń barlyǵy derlik qazaq tilinde - O.Asanǵazy

Búgin Astana qalasynyń ákimdiginde ótken «Memlekettik til mártebesi: búgin jáne erteń» taqyrybynda «dóńgelek ústel» otyrysynda qalalyq Til basqarmasynyń tóraıymy Orazgúl Asanǵazy osylaı málim etti.

Ol qalada qazaq mektepteri sanynyń artyp otyrǵandyǵyn jetkizdi. «Astanadaǵy qazaq mektepteriniń elordadaǵy kórsetkishi orys synyptarynan oq boıy ozyq, ıaǵnı Astana qalasynda kez kelgen ata-ana, kez kelgen ulttyń ókili óz balasyn qazaq mektebine bere alady, berip te jatyr. Mysaly, 49-shy mektepte Angelına esimdi qyzymyz oqıdy. Onyń ákesi de, sheshesi de biraýyz qazaqsha bilmeıdi. Biraq Angelınanyń ózi oqý ozaty, dombyrada án salady. 40-shy mektepte Ivan degen bala qazaqshaǵa sýdaı. Osy balalardy qazaqshaǵa úıretken muǵalimderge myń da bir rahmet», - deıdi O.Asanǵazy.