Elordada bıyl 5 jasóspirim óz-ózine qol jumsady - Quqyq qorǵaý organdarynyń úılestirý keńesi
ASTANA. 29 sáýir. QazAqparat /Aıdar Ospanalıev/ - Astana qalalyq prokýratýra ókilderiniń málimetterinshe, jasóspirimderdiń óz-ózderine qol jumsaý áreketteri elordadaǵy Kámeletke tolmaǵandardyń isteri jáne olardyń quqyqtaryn qorǵaý komıssııasynyń nazarynan tys qalyp otyr.
Bul týraly búgin Astana qalalyq quqyq qorǵaý organdarynyń úılestirý keńesiniń májilisinde málim boldy.
Prokýratýra taratqan málimetterge qaraǵanda, qoǵam arasyndaǵy mańyzdy máselelerdiń biri - balalar arasyndaǵy sýıtsıd oqtıǵalary sońǵy ýaqytta ósip barady. Mysaly 2009 jyly ózine-ózi qol jumsaýmen baılanysty 12 oqıǵanyń bireýinde jasóspirim mert boldy. Al 2010 jyly sýıtsıd áreketteriniń sany 31-di qurap, 14 bala mert boldy. Olardyń 9-y mektep oqýshylary, al 5 bala ózge oqý oryndarynyń shákirtteri. Bıylǵy jyldyń ózinde elordadaǵy jasóspirimder arasynda óz-ózine qol salýmen baılanysty 5 oqıǵa oryn alyp, onyń bireýi adam ólimimen aıaqtaldy. Soǵan qaramastan kámeletke tolmaǵandardyń isi jáne olardyń quqyqtaryn qorǵaý komıssııasy atalmysh máseleni zerttep, májiliske salmaǵan.
