Elordada bıyl 40 myńnan astam oqýshy orny ashylady

Qalasy ákimi Altaı Kólginov Instagram-daǵy paraqshasynda bıyl 15 mektep salynatynyn málim etti.

«Bizdiń mindetimiz — bilim berý sapasyn arttyryp, jaǵdaı jasaý. Búgin birqatar mekteptiń, sonyń ishinde jekemenshik jáne memlekettik-jekeshelik áriptestik boıynsha salynyp jatqan mektepterdiń qurylys barysymen tanystym»,- dedi altaı Kólginov.

Onyń aıtýynsha, Zam-Zam jáne De Luxe (Esil aýdany) sııaqty oqý oryndarynyń jobalyq qýaty 4 myń oqýshy (eki aýysymda). Mektepter jeke qarajat esebinen salynyp jatyr. 2019-2020 jyldary 30 jeke menshik oqý ornynyń qurylysy qoldaý tapty. Olardyń bir bóligin bıyl paıdalanýǵa beriledi.

«Aldaǵy jyldarǵa daıyndyq jumystaryn júrgizip jatyrmyz, sebebi elordada muǵalimder men oqýshylarǵa jaǵdaı jasaý úshin jyl saıyn keminde 10 mektep salý qajet. Oqý oryndary elordanyń barlyq aýdanynda salynyp jatyr. Birinshi kezekte qajettilikke qaraımyz. Halyq tyǵyz ornalasqan aýdandarǵa, jańa qurylys aýdandaryna jáne t.b. Bıyl 15 mektep salamyz. Osylaısha 40 myńnan astam oqýshy orny qurylady. Bul 2020 jylmen salystyrǵanda eki ese, al 2019 jylmen salystyrǵanda tórt ese kóp», — dedi elorda ákimi.