Elordada bıyl 36,45 shaqyrym, al qalaǵa qosylǵan eldi mekenderde 39,05 shaqyrym jol salý josparlanyp otyr
ASTANA. 20 sáýir. QazAqparat - Astana ákimdiginiń málimetinshe, 2012 jylǵy jol-qurylys jumystary bastaldy.
Bul maýsymda qalanyń tarıhı bólikteri men qalaǵa qosylǵan turǵyn alaptaryndaǵy avtojol ınfraqurylymdaryn jetildirýge basa mán beriledi.
Bıylǵy jyly elordada 36,45 shaqyrym jol salyp, 5,0 shaqyrym jolǵa jóndeý júrgizip, 24,3 shaqyrym joldy qaıta jańǵyrtyp, sonymen qosa qalaǵa qosylǵan eldi mekenderde 39,05 shaqyrym jol salý josparlanyp otyr.
Ázirlengen jobada ınjenerlik jeliler qurylysy, júrginshi bólikterdi keńeıtý, qosymsha turaq oryndary, abattandyrý, jaryqtandyrý, trotýarlardy kógaldandyrý, ótpe joldarǵa jańa baǵdarsham obektilerin ornalastyrý, jol belgileri men taǵy da basqa jol qozǵalysyn retteıtin tehnıkalyq quraldar qarastyrylǵan.
