Elordada bıyl 12 mektep paıdalanýǵa beriledi
«Kóktemde 9 myń bala mektepti aıaqtasa, qyrkúıek aıynda 22 myń bala birinshi synypqa keldi. Al 14 mekteptegi oqýshylar shamadan artyq bolyp otyr. Bul máselelerdi sheshý maqsatynda 2019 jyly bes myń orynǵa 6 mektep salyndy. Osy arqyly úsh aýysymda oqıtyn úsh mekteptiń máselesi sheshildi. Bıyl 10 myń orynǵa arnalǵan 12 mekteptiń qurylysyn aıaqtaýdy jáne 12 myń oryndyq 8 nysannyń qurylysyn bastaýdy josparlap otyrmyz», - dedi Altaı Kólginov Úkimettiń keńeıtilgen otyrysynda.
Qala ákiminiń aıtýynsha, atalǵan 8 úsh aýysymdy mektep máselesi tolyǵymen sheshiledi.
«Sonymen qatar, jeke ınvestorlar esebinen mektepterdi salý jaǵy qarastyryldy. 24 mekteptiń qurylysy jónindegi ınvestıtsııalyq jobalar qoldaý tapty», - dedi ol.
Onyń aıtýynsha, qalada ınklıýzıvti bilim beretin synyptary bar mektepterdiń sany búgingi tańda 64-ke jetken.
