Elordada Biryńǵaı tólem qujatymen tólem jasaýǵa arnalǵan jańa kassalar ashyldy
ASTANA. QazAqparat - Astanada halyqqa qyzmet kórsetý sapasy men jedeldigin arttyrý maqsatynda «Astanaenergosbyt» JShS servıstik ortalyqtarynda Biryńǵaı tólem qujaty (BTQ) boıynsha tólemderdi qabyldaıtyn qosymsha 6 kassa ashyldy, dep habarlady qalalyq ákimdiktiń baspasóz qyzmetinen.
Qazirgi kezde qalada 8 servıstik ortalyqta 24 kassa jumys isteıdi: Abaı dańǵyly, 45, Qajymuqan k-si, 6, Abylaı han dańǵyly, 49, Jeńis dańǵyly, 51/1, Saraıshyq k-si, 9, Myńaral k-si, 3, Turan dańǵyly, 19/1, jáne B. Momyshuly dańǵyly, 4. Sonymen qatar, Turan dańǵyly, 19/1, Abaı dańǵyly, 45, Qajymuqan k-si, 6, Abylaı han dańǵyly, 49, Odıntsov k-si, 3, jáne Jeńis dańǵyly, 51/1 meken jaılar boıynsha qosymsha kassalar óz jumysyn bastady. Qosymsha pýnktterdiń ashylýy kezekti azaıtýǵa jáne tólemderdi qabyldaý jyldamdyǵyn arttyrýǵa múmkindik beredi. Qosymsha kassalardy ashýdyń basty artyqshylyǵy BTQ boıynsha komıssııasyz tólem jasaý bolyp tabylady. Eske salaıyq, ústimizdegi jyldyń qazan aıynan bastap Astanada Biryńǵaı tólem qujaty engizildi. Jańa qujatta «Astanaenergosbyt» JShS jáne «Astana-ERTs» JShS kvıtantsııalarynda bolǵan qyzmetter biriktirilgen. Qazirgi zamanǵy shoǵyrlandyrylǵan tólem júıesi barlyq kommýnaldyq qyzmetter úshin qala turǵyndarynyń ýaqyty men komıssııalyq shyǵyndarǵa jumsalatyn aqshasyn únemdep, bir kvıtantsııamen tóleýge múmkindik beredi.
