Elordada biryńǵaı medıtsınalyq ahýal ortalyǵy qurylady
ASTANA. QazAqparat - Densaýlyq saqtaý basqarmasy «Smart medıtsına» sheńberinde biryńǵaı ahýaldyq ortalyq qurýdy kózdep otyr. Bul onlaın rejıminde qalalyq medıtsınalyq mekemelerdiń jumysyn baqylaýǵa múmkindik beredi, dep habarlaıdy Astana ákimdiginiń medıa ortalyǵy.
«Densaýlyq saqtaý basqarmasy deńgeıinde biryńǵaı ahýaldyq ortalyq ashý josparda bar. Bul onlaın rejıminde qaladaǵy medıtsınalyq mekemelerde ne bolyp jatqanynan habardar bolýǵa múmkindik beredi. Osy arqyly emhanalar men aýrýhanalardaǵy júktemeni bilip, medıtsınalyq qyzmetkerlerdiń jumysyn baqylaı alamyz», - dedi elordalyq máslıhatta ótken depýtat kúninde baıandama jasaǵan Astana qalalyq densaýlyq saqtaý basqarmasynyń jetekshisi Kamaljan Nadyrov.
Onyń aıtýynsha, biryńǵaı ahýaldyq ortalyq arqyly dárihanalardaǵy dári-dármek qory men basqa da resýrstardy qadaǵalap otyrýǵa bolady.
Aıta keteıik, elordada «Smart medıtsına» jobasy talqylanyp jatyr. Atalǵan baǵdarlama dárigerlerdiń qaǵazbastylyǵyn 30 paıyzǵa azaıtýǵa múmkindik beredi dep josparlanǵan. Buǵan qosa patsıentterdiń medıtsınalyq kartasynyń elektrondy túrde júrgizip, sáıkesinshe azamattar bir medıtsınalyq mekemeden ekinshisine aýysqanda ol týraly barlyq málimetter birge aýysatyn bolady.
